🚀 ИНЖЕНЕРЛІК БІЛІМ – КЕЛЕШЕККЕ БАСТАР ЖҮЙЕЛІ ҚАДАМ
Қызылорда қаласындағы Инженерлік бағыттағы №290 Келешек мектебі базасында іске қосылған инженерлік мектеп жобасы бүгінде жүйелі түрде жүзеге асырылып, білім беру үдерісінің маңызды бағытына айналды.
Жобаның негізгі мақсаты – оқушыларға ерте кәсіби бағдар беру, инженерлік-техникалық және ғылыми бағыттарға қызығушылықтарын арттыру, заманауи технологияларды тәжірибе арқылы меңгерту, болашақ мамандықты саналы таңдауға бағыт беру. Сонымен қатар теория мен практиканы ұштастырып, зерттеушілік мәдениеті қалыптасқан, жаңашыл ойлайтын тұлға тәрбиелеу.
Жоба аясында әр зертхана мен шеберхана мазмұнды бағытта жұмыс жүргізуде:
🔬 Биоквантум – биотехнология элементтерін меңгеру, тірі ағзаларды зерттеу, микробиология негіздері, экологиялық жобалар арқылы ғылыми-зерттеу дағдыларын қалыптастырады.
⚙️ Наноквантум – нанотехнологиялық зерттеулер, дыбыс, магнетизм, тоқ күшін зерттеу қабілетін арттырады.
🤖 Робоквантум – робот құрастыру, бағдарламалау, автоматтандыру жүйелерін жасау және алгоритмдік ойлау қабілетін жетілдіреді.
🚁 Аэроквантум – дрон технологиялары, әуе модельдеу және басқару жүйелері бойынша практикалық машық қалыптастырады.
🌍 Геоквантум – геоақпараттық жүйелер, картография және аумақтық талдау арқылы кеңістіктік ойлау мәдениетін дамытады.
🔥 Лазерквантум шеберханасы – лазерлік кесу, гравировка, прототип дайындау арқылы жобаларды нақты өнімге айналдыруға мүмкіндік береді.
🎨Өндірістік дизайн шеберханасы – мүсіндеу технологиясы, көркемдік модельдеу және көлемді пішіндер жасау арқылы оқушылардың кеңістіктік ойлау қабілетін дамытып, идеяларын нақты көркем бұйымға айналдыруға бағытталған.
👩🍳 «Бір қазан» шеберханасы – тағам технологиясы бағытында ұлттық және заманауи тағам түрлерін дайындау, азық-түлік қауіпсіздігі негіздерін меңгеру, дұрыс тамақтану мәдениетін қалыптастыру және кәсіпкерлік дағдыларды дамытуға бағытталған.
🧵 «Оймақ» шеберханасы – тігін ісі, сәндік-қолданбалы дизайн және заманауи креативті бағыттарды ұштастырып, практикалық дағдыларды жетілдіреді.