Skip to content

ЗАҢ МЕН ТӘРТІП – АДАЛ АЗАМАТТЫҢ НЕГІЗІ

ЗАҢ МЕН ТӘРТІП – АДАЛ АЗАМАТТЫҢ НЕГІЗІ Инженерлік бағыттағы №290 Келешек мектебінде «Адал азамат» біртұтас тәрбие бағдарламасы аясында, қаңтар айындағы «Заң және тәртіп» айлығының «Адал бала» платформасымен «Заң және мектеп өмірі» тақырыбында мазмұнды әрі тағылымды ашық тәрбие сағаты өткізілді.‍♂️ Тәрбие сағатына қала прокуратурасының бөлім прокуроры Н. Жантүгел арнайы қатысып, оқушылармен еркін форматта пікір алмасу жүргізді. Кездесу барысында прокурор жастарды әділдік пен адалдықты өмірлік ұстаным етуге, заңды білу ғана емес, оны құрметтеп, сақтай білудің маңыздылығына ерекше тоқталды. Тәрбие сағатының барысында оқушылар Қазақстан Республикасындағы бала құқықтары мен міндеттері туралы заңнамамен кеңінен танысып, мектеп өмірінде жиі кездесетін құқықтық жағдайларға нақты мысалдар арқылы талдау жасалды. Бұл өз кезегінде оқушылардың құқықтық сауаттылығын арттырып, жауапкершілік сезімін нығайтты.🧠 Сонымен қатар, оқушылар «Адал бала» платформасы арқылы тақырыпқа сай тест тапсырмаларын орындап, өз білімдерін саралап, жаңа мәліметтермен толықтырды. Цифрлық форматтағы бұл жұмыс балалардың қызығушылығын арттырып, сабақтың мазмұнын одан әрі жандандыра түсті. Іс-шараның негізгі мақсаты:– жастар арасында құқықтық мәдениетті қалыптастыру;– заңға деген құрмет пен сенімді арттыру;– азаматтық жауапкершілік, адалдық пен әділдік құндылықтарын насихаттау;– саналы, заңға бағынатын ұрпақ тәрбиелеу. Заң – қоғам тұрақтылығының берік негізі, ал тәртіп – бейбіт те әділетті өмірдің басты кепілі.Осындай тағылымды кездесулер мен тәрбиелік шаралар алдағы уақытта да жүйелі түрде жалғасын тауып, оқушылардың құқықтық санасын қалыптастыруға бағытталады.🇰🇿 Заңды құрметтеу – адал азаматтың айқын белгісі, ал адал ұрпақ – ел болашағының берік іргетасы!

Leave a Reply